Հոլանդացի գիտնականները պարզել են, թե բնավորության որ գծերն են կապված կյանքի տարբեր ոլորտներից բավարարվածության զգացողության հետ։
Վերլուծվել են 2008-2019 թվականների տվյալները, որոնք հավաքվել են նախորդ ուսումնասիրությունների ընթացքում։ Դրանցում, մասնավորապես, անցկացվել է անձի գնահատման հարցում՝ այսպես կոչված Մեծ հնգյակի մոդելի համաձայն։
Ի՞նչ է նշանակում Մեծ հնգյակի մոդելը: Դա անձի 5 որոշիչ գծեր են. նորն ընկալելու կարողությունը, բարեխիղճությունը, էքստրավերսիան, հանդուրժողականությունն այլ մարդկանց կարծիքների նկատմամբ, հուզական կայունությունը։ Հարցմանը մասնակցել է 9110 մարդ, որոնք 2008 թվականին եղել են 16-ից 95 տարեկան։ Իսկ մշտական հարցումներով փորձը տեւել է 11 տարի։
Հետազոտության արդյունքներով պարզ է դարձել, որ հուզական կայունություն ունեցող մարդիկ նույնպես կյանքի տարբեր ասպեկտներից բավարարվածության ամենաբարձր աստիճանն են ցույց տվել։ Սա պահպանվել է ողջ դիտարկման ժամանակահատվածում՝ անկախ տարիքի փոփոխությունից:
Որքան մարդիկ բարեխիղճ են, այնքան բարձր են գնահատում իրենց աշխատանքը, սա նույնպես օրինաչափություն է։ Իսկ բարի կամքն ու էքստրավերսիան ուղղակիորեն կապված են եղել հարաբերությունների որակի դրական գնահատման հետ։
Այսլ կերպ ասած՝ մարդն ինքն է ստեղծում իր աշխարհընկալումը: Ու թեեւ, ընդհանուր առմամբ, շրջակա միջավայրի գնահատականը կայուն է մնացել, երբեմն դրանք բարելավվել են։ Եթե մարդը կարողանում է սովորել, փոխվել, ավելի բաց է դառնում այլ մարդկանց համար, նա սկսում է ավելի շատ հասկանալ ու գնահատել նրանց:
