News
Լրահոս
News
Երեքշաբթի
Մարտ 19
Տեսնել լրահոսը


Գեղարքունիքի մարզի Ազատ գյուղի տարածքում տեղակայված զինվորական կացարանի ողբերգական հրդեհից մահացած 15 զինծառայողների ծնողներն այսօր՝ մարտի 30-ին, հանդիպում են ՀՀ զինվորական դատախազ Գրիգոր Էլիզբարյանի հետ:

Գործով տուժող ճանաչված ծնողները դժգոհ են եւ՛ վարույթն իրականացնող մարմնից, եւ՛ պետական կառույցներից: Նրանց ներկայացուցիչ, փաստաբան Նորայր Նորիկյանը դեպքի հանգամանքները պարզելու նպատակով մի քանի տասնյակ գրություններ է ուղարկել տարբեր կառույցների, սակայն պատասխանները ծնողներին չեն գոհացրել: Զինծառայողների ծնողները վստահ են, որ նախաքննությունն ուղղորդված է ընթանում, եւ, որ հույս չունեն, թե մեղավորներն ի վերջո պատժվելու են:

Հրդեհից մահացած զինծառայող Արամ Մանուկյանի պապը՝ Արտյոմ Գրիգորյանը, մինչեւ հանդիպմանը մտնելը լրագրողների հետ զրույցում ասաց, որ Պաշտպանության նախարար Սուրեն Պապիկյանը ծնողներին չի ընդունել, որովհետեւ չուներ պատասխան:

«Պաշտպանության նախարարը պետք է հրաժարական տա: Սա ուղղորդված է, մենք մեծ ակնկալիք չունենք: Թող Փաշինյանին քննեն, տեսնենք՝ ինքը կարո՞ղ է ապացուցել, որ բենզինով է եղել: Եթե բենզինը լցրել ու վառվել է, բա շմոլ գազն այդ 10 րոպեում ինչպե՞ս երեխեքին հասավ»,- ասաց Արտյոմ Գրիգորյանը:

Հիշեցնենք, որ հունվարի 19-ին, ժամը 01:30-ի սահմաններում Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետեւանքով զոհվել է 15 ժամկետային զինծառայող, 7 զինծառայող տեղափոխվել է  Վարդենիսի հոսպիտալ, նրանից չորսը բուժօգնություն ստանալուց հետո դուրս է գրվել, 3–ը՝ ծանր վնասվածքներով տեղափոխվել Երեւան՝ Այրվածքաբանության ազգային կենտրոն:

Դեպքից անմիջապես հետո առաջին նախնական վարկածն առաջ է քաշել Փաշինյանը, հայտարարելով, թե սպան բենզին է լցրել վառարանի վրա, ինչից հետո, երբ կրակն իրեն է անցել, «ինքնապաշտպանական բնազդով» բենզինի 5 լիտրանոց տարան նետել է կացարանի ուղղությամբ, ինչն էլ հրդեհի պատճառ է դարձել։

Դեպքի առնչությամբ նախաձեռնվել է քրեական վարույթ՝ մի քանի հոդվածով: Գործով մեղադրյալի կարգավիճակ ունի հինգ սպա, որոնցից երեքը կալանքի տակ են:

Տպել
Կարդացեք նաև
Ամբողջը
«Պաժարն իմ սխալմունքով է եղել». զինվորական կացարանում հրդեհից զոհվածների գործով ամբաստանյալը ցուցմունք տվեց դատարանում
Որ շիշը ձեռքս էր, ուզում էի վառարանը վառել, այդ ժամանակ Լևոնը…
«Առաջին մեղավորը այժմ ներկայացել է որպես տուժող»․ Ազատ գյուղի հրդեհի գործով ամբաստանյալը դիմեց դատարանին
Նա պատմում է բաներ, որոնք․․․
«Որ պահին հիշողությունդ տեղը եկավ, ոչխարի պես վիզդ կտրելու եմ»․ Ազատ գյուղի հրդեհի գործով նիստին իրավիճակը լարվեց
Նրա հարցաքննության ընթացքում իրավիճակը պարբերաբար լարվում է, քանի որ․․․
«Ինձ հայտնել են որոշակի ուշագրավ տեղեկություններ»․ Ազատ գյուղի գործով տուժողների փաստաբան
Ծնողների մոտ կա խորը անվստահություն պետական բոլոր ինստիտուտների նկատմամբ․․․
15 զոհված զինվորների ծնողները չեն հավատում, որ հրդեհից առաջ տեղի ունեցած իրադարձությունների շղթան դժբախտ պատահար է
Կիրակոսյանը չբացառեց, որ իշխանությունները թաքցնում են ադրբեջանական դիվերսիայի փաստը, քանի որ չեն...
Չի հերքվել վարկածը, թե Ազատ գյուղում 15 զինծառայողի մահը հակառակորդի դիվերսիայի հետևանք է. Նորիկյան
Ծնողներն ու հասարակությունը այդպես էլ չպարզեցին, թե իրականում ինչ է տեղի ունեցել, իսկ ապաշնորհ...
Ամենաշատ