ՌԴ ԱԳ նախարար Սերգեյ Լավրովը թուրք գործընկեր Մեւլութ Չավուշօղլուի հրավերով ապրիլի 6-7-ը կայցելի Թուրքիա։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է ՌԻԱ Նովոստին։
Նրա խոսքով՝ շփումների ընթացքում նախատեսվում է խնդիրների լայն շրջանակ քննարկել, առաջին հերթին երկկողմ համագործակցության հեռանկարները, որոնք փոխադարձ հետաքրքրություն են ներկայացնում, այդ թվում առեւտուրը, էներգետիկան, տուրիզմը․
«Կլինի մտքերի փոխանակում տարածաշրջանային եւ միջազգային օրակարգի արդիական հարցերի շուրջ, այդ թվում՝ Ուկրաինայի ներկա իրավիճակի, Սիրիայի եւ Լեռնային Ղարաբաղի կարգավորման, ինչպես նաեւ Կենտրոնական Ասիայի եւ Աֆղանստանի վերաբերյալ»:
