Մարտի 28-ին ՀՀ ՊՆ պաշտպանական քաղաքականության եւ միջազգային համագործակցության վարչության պետ Լեւոն Այվազյանը եւ Հունաստանի Ազգային պաշտպանության գլխավոր շտաբի Միջազգային կապերի վարչության պետ, բրիգադի գեներալ Վասիլիոս Ցամին ստորագրել են հայ-հունական ռազմական համագործակցության 2023թ. ծրագիրը:

Ինչպես NEWS.am-ը տեղեկանում է Պաշտպանության նախարարությունից, ծրագրի ստորագրումը հաստատում է երկու երկրների սերտ համագործակցությունը ռազմական ոլորտում եւ առավել ամրապնդում զինված ուժերի օպերատիվ կարողությունների եւ փոխգործունակության մակարդակը: