Գիտնականները զարմանք են հայտնել, թե ինչպես է օվկիանոսի ջերմաստիճանը կայունորեն բարձրանում վերջին մի քանի տարիների ընթացքում, նույնիսկ այն դեպքում, երբ Լա Նինյայի սառեցման ֆենոմենը գրավել է Խաղաղ օվկիանոսը: Հետազոտողները հունվարին հայտնել են, որ վերջին չորս տարվա ընթացքում օվկիանոսները ռեկորդային տաք են եղել: Այնուհետեւ, մարտի կեսերին, կլիմայագետները նշել են, որ ծովի մակերեւույթի գլոբալ ջերմաստիճանը հասել է նոր առավելագույնի, հայտնում է CNN-ը:
Այս անհավատալի միտումը մտահոգում է փորձագետներին այն առնչությամբ, թե ինչ կարող է ակնկալել նրանց հետագայում, հատկապես հաշվի առնելով, որ կանխատեսվում է, որ Էլ Նինյոյի ֆենոմենը կսկսվի այս ամառ։
Լոս Անջելեսի Կալիֆոռնիական համալսարանի կլիմայագետ Դենիել Սուեյնը հայտարարել է, որ Խաղաղ օվկիանոսի արեւադարձային հատվածում արդեն «դրամատիկ անցում» է տեղի ունենում Լա Նինյայից Էլ Նինյո:
Վերջին երեք տարիները շարունակում են մնալ երբեւէ գրանցված ամենատաք տարիները՝ չնայած Լա Նինկայի հովացման ազդեցությանը:
Ահա եղանակի եւ կլիմայի մի քանի ծայրահեղ իրադարձություններ, որոնց պետք է ուշադրություն դարձնել:
Էլ Նինյոն կարող է առաջին անգամ հանգեցնել նրան, որ աշխարհում տաքացումը կգերազանցի 1,5 աստիճան Ցելսիուսը՝ 1800-ականների կեսերից մինչեւ վերջ:
Գիտնականները 1,5 աստիճանով տաքացումը դիտարկում են որպես առանցքային շրջադարձային կետ, որից հետո ծայրահեղ ջրհեղեղների, երաշտի, անտառային հրդեհների եւ սննդի պակասի հավանականությունը կարող է կտրուկ աճել:
«Հավանաբար, 2024 թվականին մենք կունենանք աշխարհի ամենատաք տարին դիտարկումների ողջ պատմության ընթացքում»,-CNN-ին ասել է Պոտսդամի կլիմայի ազդեցության հետազոտությունների ինստիտուտի ավագ գիտաշխատող Յոզեֆ Լյուդեշերը: Գրանցված ամենաշոգ տարին ներկայումս 2016-ն է, որը հաջորդել է շատ ուժեղ էլ Նինյոյին:
2022 թվականին Եվրոպան վերապրել է ամենաշոգ ամառը՝ ավելի քան 40 աստիճան Ցելսիուս, իսկ Պակիստանում ու Հնդկաստանում ջերմաստիճանը գերազանցել է 49 աստիճանը։
