Ռուսաստանը ռազմական հանցագործություն է իրականացրել՝ Ուկրաինայից դուրս բերելով ուկրաինացի երեխաներին։ Այս մասին ասվում է ԵԱՀԿ-ի զեկույցում: «Ռուսաստանի եւ նրա կողմից վերահսկվող տարածքներ արտաքսումները նույնպես կարող են մարդկության դեմ ուղղված հանցագործություններ համարվել։ Ստույգ թվերն առայժմ անհասկանալի են մնում, սակայն մասշտաբային տեղաշարժերի փաստը չի վիճարկվում ո՛չ Ուկրաինայի, ո՛չ Ռուսաստանի կողմից»,-ասել են իրավական հարցերով երեք փորձագետներ Լատվիայից, Նորվեգիայից եւ Չեխիայից, որոնց ԵԱՀԿ 57 անդամ պետություններից 45-ը հանձնարարել է հետաքննել Մոսկվայի հասցեին մեղադրանքները:
ԵԱՀԿ-ն կոչ է արել Ռուսաստանին անհապաղ դադարեցնել երեխաների դուրսբերումն Ուկրաինայից եւ նշել, որ Միջազգային քրեական դատարանը նույնպես հետաքննում է այդ հարցը: Մարտին Հաագայի դատարանը Վլադիմիր Պուտինին, ինչպես նաեւ ՌԴ նախագահին առընթեր Երեխաների իրավունքների հարցերով լիազոր Մարիա Լվովա-Բելովային կալանավորելու օրդեր է տվել։ Նրանք կասկածվում են ռազմական հանցագործությունների, մասնավորապես՝ ուկրաինացի երեխաներին Ռուսաստան ապօրինի արտաքսելու մեջ։
