Մայիսի 25-ին Ռուսաստանի Դաշնության արտաքին գործերի փոխնախարար Գալուզինը Մոսկվայում հանդիպել է ՌԴ-ում Թուրքիայի դեսպան Սամսարին։

Ըստ ՌԴ ԱԳՆ-ի` քննարկվել է Անդրկովկասում տիրող իրավիճակը, այդ թվում՝ Բաքվի և Երևանի միջև` Ռուսաստանի օգնությամբ, կարգավորման ուղիների վերաբերյալ Ադրբեջանի, Հայաստանի և Ռուսաստանի ղեկավարների միջև  եռակողմ պայմանավորվածությունների իրագործումը։ Անդրադարձ է կատարվել նաեւ հայ-թուրքական կապերի վերականգնման հեռանկարների թեմային։ Ընդգծվել է 3+3 խորհրդատվական տարածաշրջանային պլատֆորմի շրջանակներում Հարավային Կովկասում փոխգործակցության կարևորությունը։