Երկու անօդաչու թռչող սարք գրոհի է ենթարկել նավթավերամշակման կայանը Տվերի մարզում, տեղեկացրել է Baza Թելեգրամ-ալիքը։
Միջադեպը տեղի է ունեցել Երոխինո գյուղի մոտ, գրոհի ենթարկված օբյեկտը սպասարկում է «Դրուժբա» նավթատարը։
Առաջին դրոնը թռել է ժամը մոտ 3.15-ին եւ մխրճվել յուղի արտադրամասի շենքը։ Տեղի է ունեցել պայթյուն, վնասվել է շենքի տանիքը։ Կես ժամ անց թռել է երկրորդ անօդաչուն, այն ընկել է գետնին եւ պայթել։
Աշխատակիցները մարել են հրդեհը, տեղեկացրել է «Մոսկովսկի կոմսոմոլեցը»։
Ինչպես տեղեկացրել են Տվերի մարզի կառավարությունում, պատահարի հետեւանքով ոչ ոք չի տուժել։ Ներկայում տեղում աշխատում են օպերատիվ ծառայությունները։ Իրավիճակը վերահսկվում է անձամբ նահանգապետ Իգոր Ռուդենյայի կողմից։