ԵՄ-ն Կոսովոյի իշխանություններին եւ ցուցարարներին անհապաղ դեէսկալացիայի կոչ է անում։ Այս մասին հայտարարել է ԵՄ դիվանագիտության ղեկավար Ժոզեպ Բորելը։
«Մենք ակնկալում ենք, որ կողմերը կգործեն պատասխանատու եւ անմիջապես քաղաքական լուծում կգտնեն երկխոսության շրջանակներում։
ԵՄ-ն ամենավճռական կերպով դատապարտում է Զվեչանի այսօրվա ցնցող բռնությունները։ ՆԱՏՕ-ի KFOR զորքերի, ԶԼՄ-ների, քաղաքացիական անձանց եւ ոստիկանության դեմ իրականացված բռնի գործողությունները բացարձակապես անընդունելի են»,-նշել է Բորելը Twitter-ի իր էջում։
Ավելի վաղ սերբական կողմը հայտնել է, որ Կոսովոյի հյուսիսում Կոսովոյի ոստիկանության եւ ՆԱՏՕ-ի KFOR ուժերի գործողությունների հետեւանքով առաջացած անկարգությունների ընթացքում Զվեչանում սերբերին ցրելու ակցիայի ժամանակ տուժել է 52 մարդ:
Ըստ KFOR-ի վերջին տվյալների՝ Կոսովոյում եւ Մետոխիայում ՆԱՏՕ-ի ընդհանուր առմամբ 30 խաղաղապահներ վիրավորվել են:
Կոսովոյում եւ Մետոխիայում ՆԱՏՕ-ի KFOR զորախումբը կոչ է արել տեղի ալբանացիներին եւ սերբերին զերծ մնալ երկրամասի հյուսիսում էսկալացիայից եւ հայտնել է իրենց ուժերի ներկայության ավելացման, ինչպես նաեւ Բելգրադում եւ Պրիշտինայում ուժայինների հետ շփման մասին: