Կան գյուղեր, տարածքեր, որոնք հայկական վերահսկողության տակ են, մենք, բնական է, դրանց մասին չենք խոսում և կան Հայաստանի ինքիշխան տարածքից մասեր, որոնք գտնվում են գրավյալ տարածքներում, եթե չեմ սխալվում 150 քառակուսի կիլոմետր է։ Այս մասին այսօր՝ հունիսի 1-ին, ԱԺ բակում լրագրողների հետ զրույցում նշեց ԱԺ նախագահ Ալեն Սիմոնյանը:
«Բնական է՝ պետք է տեղի ունենա զորքերի հետքաշում։ Այն, ինչը դեմարկացիայից, դելիմիտացիայից հետո քարտեզների հիման վրա կլինի ՀՀ տարածքում, ադրբեջանական զորքերը դուրս պետք է դուրս գան, և դուրս կգան: Այն, ինչը Ադրբեջանի տարածքից է, բնական է, հայկական զորքերը հետ կքաշվեն»,-ասաց նա:
Ալեն Սիմոնյանը վստահեցրեց, որ այդ կետերը Հայաստանի համար շատ կարեւոր են. «Տեղ կգտնե՞ն դրանք պայմանագրի մեջ, թե որեւէ այլ ակտով կլուծվեն, ես տեղյակ չեմ: Բացառվում է, որ 29 800 քառակուս կիլոմետրից դուրս, ավելի, պակաս խաղաղության պայմանագիր կնքվի։ Դա մշտապես ասել ենք: 29 800 քկմ թիվը մենք ենք հնչեցրել, վարչապետը ԱԺ ամբիոնից «կարմիր գիծ» է գծել եւ այդ 29 800 քկմ-ն մենք ենք բերել օրակարգ:
Նույնը կարող եմ ասել միջանցքի մասին: Մենք բազմիցս ասել ենք, որ «միջանցք. Չի լինելու: Չի կարող նման բան լինել: Մենք «միջանցքի» խոսույթը դուրս ենք հանել եւ կարմիր գիծ ենք գծել»,-ասա Ալեն Սիմոնյանը:
NEWS.am-ի հարցին՝ որն է լինելու երաշխիքը, որ խաղաղության պայմանագրի կնքումից հետո Ադրբեջանը դուրս է բերելու իր զորքը ՀՀ ինքիշխան տարածքից, Սիմոնյանը պատասխանեց. «Եթե դուրս չեն գա, մենք էլ դուրս չենք գա այն տարածից, որտեղ հիմա մեր զորքերն են կանգնած, որովհետև կան ինչ-որ տարածքներ, որոնք մեր տիրապետության տակ են»։