Ֆրանսիայի եւ Ադրբեջանի նախագահները նույնպես շփվել են Եվրոպական քաղաքական հանրույթի 2-րդ գագաթաժողովի շրջանակում։

Գագաթաժողովին, որը տեղի է ունենում Բուլբոակա գյուղում, Մոլդովայի մայրաքաղաքից 35 կիլոմետր հեռու, մասնակցում են մոտ 50 երկրների եւ կառավարությունների ղեկավարներ։ Նրանք քննարկում են խաղաղության եւ անվտանգության ապահովման, էներգետիկ անվտանգության եւ Եվրոպայում միջպետական հարաբերությունների ամրապնդման հարցերը։

Գագաթաժողովին մասնակցում է նաեւ Ադրբեջանի նախագահ Իլհամ Ալիեւը։ Գագաթաժողովի շրջանակում տեղի է ունեցել նրա եւ Ֆրանսիայի նախագահ Էմանուել Մակրոնի հանդիպումը։ Մակրոնի եւ Ալիեւի կարճ շփման մանրամասները չեն ներկայացվում։