Հայաստանի խոշորագույն ջրամբարներում շատ քիչ ջուր է կուտակվել։ Այնպես որ, մեզ բավականին ծանր տարի է սպասվում։ Այս մասին այսօր՝ հունիսի 6-ին, ԱԺ մշտական հանձնաժողովների համատեղ նիստում 2022 թվականի պետական բյուջեի կատարողականի մասին հաշվետվության քննարկման ժամանակ ասաց տարածքային կառավարման եւ ենթակառուցվածքների փոխնախարար Վաչե Տերտերյանը։
Նման իրավիճակ, նրա խոսքով, ստեղծվել է հանրապետության գրեթե բոլոր ջրամբարներում։
«Դա, մասնավորապես, վերաբերում է Ախուրյանի, Ազատի եւ Ապարանի ջրամբարներին։ Այնպես որ, դժվար տարի է սպասվում»,-նշեց փոխնախարարը։
Տերտերյանի խոսքով՝ իրենք պետք է անեն իրենցից կախված ամեն ինչ՝ ջրի պահանջարկը մեղմելու եւ այլընտրանքային տարբեր ուղիներ գտնելու համար։