ԱՄՆ պետդեպարտամենտի մամուլի ծառայության ղեկավար Մեթյու Միլլերը տեղեկացրել է, որ պետքարտուղար Էնթոնի Բլինքենը եւ Սաուդյան Արաբիայի թագաժառանգ Մուհամեդ բեն Սալման Ալ-Սաուդը քննարկել են երկու երկրների տնտեսական համագործակցության խորացման հարցերը սաուդյան Ջիդա քաղաքում։ Այս մասին նշվել է Միլլերի գրավոր հայտարարությունում, նրանց հանդիպումից հետո։
Դիվանագետի տեղեկացման համաձայն՝ Բլինքենն ընդգծել է, որ ԱՄՆ եւ Սաուդյան Արաբիայի երկկողմ հարաբերություններն ամրապնդվում են շնորհիվ մարդու իրավունքների ոլորտում գրանցված առաջընթացի։ Նշվել է, որ պետքարտուղարը եւ թագաժառանգը քննարկել են տնտեսական համագործակցության խորացման հարցերը, հատկապես էկոլոգիապես մաքուր էներգիայի եւ տեխնոլոգիաների ոլորտներում։
Բանակցությունների ժամանմակ քննարկվել է նաեւ իրավիճակը Սուդանում եւ Եմենում, ինչպես նաեւ տարածաշրջանում պայքարն ահաբեկչության դեմ։
