Ռուսները զարմացած են Հայաստանը որպես գրավիչ զբոսաշրջային վայր բացահայտելով, շատ հաճելի է, որ ռուսները ճանաչում են մեր երկիրը։ Այս մասին NEWS.am -ի թղթակցի հետ զրույցում ասաց «Հայ զբոսավարների գիլդիա» ՀԿ խորհրդի նախագահի տեղակալ Լիա Բախշինյանը։

Նա նշել է, որ ռուսների շնորհիվ Հայաստան զբոսաշրջային հոսքը զգալիորեն աճել է։

Դա պայմանավորված է նաև Ռուսաստանի նկատմամբ արևմտյան սահմանափակումներով։

Պաշտոնական տվյալներով՝ 2023 թվականի առաջին 4 ամիսներին Հայաստան է այցելել մոտ 630 հազար զբոսաշրջիկ, որից կեսը՝ Ռուսաստանից։ Բացի այդ, ակտիվ հոսք է նկատվում նաև Վրաստանից, Իրանից և ԱՄԷ-ից։

Այս տարի, փորձագետի խոսքով, հարաբերական պասիվություն է նկատվել Գերմանիայից։ 

Սակայն Բախշինյանը հույս հայտնեց, որ արդեն կնքված պայմանագրերը կփոխեն իրավիճակը՝ ապահովելով զբոսաշրջիկների նախկին հոսքը։

ՀԿ ներկայացուցիչը նշեց նաև, որ այս պահին ռուս զբոսաշրջիկներին սպասարկելու համար բավականաչափ զբոսավարներ կան, սակայն, հաշվի առնելով մեծ պահանջարկը, մի քանի կազմակերպություններ պատրաստում են ռուսալեզու զբոսավարներ։ Էքսկուրսավարները չեն դժգոհում աշխատավարձերից, բայց թանկացումները որոշակի բացասական ազդեցություն են ունենում։