Եթե Ռուսաստանը փոխի ռազմական գործողության հայտարարված նպատակները, ապա խաղաղության համաձայնագրի հնարավորություն կլինի։ Այս մասին հայտարարել է Ուկրաինայի պաշտպանության նախարար Ալեքսեյ Ռեզնիկովը «Ուկրաինայի վերականգնման մասին երկխոսություններ» թեմայով համաժողովում, փոխանցում է NV.ua-ն։
Նա նշել է, որ Ուկրաինան կարող է ապրել խաղաղ, բարիդրացիական բոլոր հարեւանների հետ»: Նախարարը հիշեցրել է, որ Մոսկվայի նպատակն է «ապազգայնացումը», «ապառազմականացումը» եւ «դենատոիզացիան»: Նրա կարծիքով՝ այդ խնդիրների էությունն է «երկրի երեսից ջնջել ուկրաինական ազգը, քանի որ այն, իբր, գոյություն չունի Ռուսաստանի տեսանկյունից»։
Չինաստանը եւ մյուս պետությունները, որոնք առաջարկում են իրենց խաղաղության ծրագրերը, մրցում են բանակցություններում միջնորդի դերի համար, շարունակել է նախարարը: Նրա կարծիքով՝ նրանց գործողություններում «կա մեկ նրբություն»․ նրանք բոլորն առայժմ ցանկանում են միջնորդ լինել Ռուսաստանի կողմից։ Նա եզրակացրել է, որ քանի որ նման պետությունները չունեն «իրական անկախ մեդիատորիա» եւ անկողմնակալություն, ապա Կիեւը կսպասի եւ կշարունակի հասնել հաղթանակի։
