Պաղեստինցի աջակիցն Անգլիայի Բիրմինգհեմ քաղաքի McDonald's արագ սննդի ռեստորանում բաց է թողել պաղեստինյան դրոշի գույներով ներկված տասնյակ մկների, երեքշաբթի օրը հայտնել է Evening Standard-ը:
Նշվում է, որ միջադեպը տեղի է ունեցել երկուշաբթի երեկոյան։ Համապատասխան տեսանյութը տեղադրվել է TikTok սոցիալական ցանցում, սակայն երեքշաբթի օրը ջնջվել է այն էջը, որտեղ ի սկզբանե հրապարակվել է տեսանյութը, գրում է թերթը։
Սոցցանցերում տարածված տեսանյութում երևում է, որ անհայտ տղամարդը մեքենայի բեռնախցիկից վերցնում է մի մեծ ստվարաթղթե տուփ, որը զարդարված մկներ է պարունակում և շարժվում դեպի տեղական McDonald's-ը, ինչից հետո պարզ է դառնում, որ նրա իր գլխին պաղեստինյան դրոշով գլխաշոր է կրում։ Մտնելով ռեստորան՝ նա մկներին բաց է թողնում հատակին, որից հետո Պաղեստինի ազատագրման կոչեր վանկարկելով՝ հեռանում է հաստատությունից։
Տեսանյութի վերջում կոչ է արվում բոյկոտել մի շարք բրենդներ, ինչպիսիք են McDonald's-ը, Starbucks-ը և Disney-ը, որոնք իբր աջակցում են իսրայելական բանակին։