News
Լրահոս
News
Հինգշաբթի
Ապրիլ 25
Տեսնել լրահոսը

Միացյալ Նահանգների եւ Եվրամիության ներկայացուցիչներն Ուկրաինայի հետ քննարկում են Ռուսաստանի հետ խաղաղության բանակցությունների անցկացման հնարավորությունը։

Ինչպես տեղեկացրել է NBC News-ը՝ հղում կատարելով ԱՄՆ պաշտոնյաների շրջանում առկա աղբյուրներին, այդ քննարկումների ժամանակ խոսքն այն մասին է եղել, թե ինչից Ուկրաինան, գուցե, ստիպված կլինի հրաժարվել, որպեսզի հասնի պայմանավորվածությունների։

Պարբերականի տվյալներով՝ նման քննարկումներից մեկը տեղի է ունեցել անցած ամիս «Ռամշթայն» ձեւաչափով։ Այդ բանավեճերը մարտադաշտում իրավիճակի եւ Եվրոպայում եւ ԱՄՆ-ում քաղաքական իրադրության արտացոլումն են։

Աղբյուրները նշել են, որ քննարկումներն սկսվել են ամերիկացի եւ եվրոպացի պաշտոնյաների անհանգստության ֆոնին, քանի որ պատերազմը փակուղի է մտել, ինչպես նաեւ անհանգստություն կա Ուկրաինային աջակցությունը շարունակելու հարցում։

ԱՄՆ կառավարությունում մտահոգված են նրանով, թե հասարակությունում որքան քիչ ուշադրություն է գրավում պատերազմն Ուկրաինայում Իսրայելի եւ ՀԱՄԱՍ-ի միջեւ հակամարտության սկսվելուց հետո։ Պաշտոնյաներն անհանգստանում են, որ այդ փոփոխությունը կարող է դժվարացնել Ուկրաինայի համար լրացուցիչ օգնություն ստանալը։

Պաշտոնյաները նաեւ հայտնել են, որ Ուկրաինան, հավանաբար, մինչեւ տարեվերջ կամ մի փոքր ավելի ժամանակ կունենա՝ նախքան ավելի ակտիվ բանավեճերի սկսվելը խաղաղության բանակցությունների մասին։

Միեւնույն ժամանակ, ամերիկացի երկու պաշտոնյաներ նշել են, որ Բայդենի վարչակազմը պատրաստակամության որեւէ նշան չի տեսնում ռուս դիկտատոր Վլադիմիր Պուտինի կողմից Ուկրաինայի բանակցությունների հարցում։ Նա դեռ հույս ունի, որ ռազմական հաղթանակ է տանելու, երբ Ուկրաինային աջակցությունն Արեւմուտքի եւ ԱՄՆ-ի կողմից թուլանա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ը գաղտնի ATACMS հրթիռներ է փոխանցել Ուկրաինային
Հրթիռներն առաջին անգամ կիրառվել են ապրիլի 17-ի վաղ առավոտյան...
Bloomberg. Ֆրանսիան ԵՄ-ին առաջարկել է նոր պատժամիջոցներ սահմանել Ռուսաստանի դեմ
Փարիզն անհրաժեշտ է համարում նոր սահմանափակող միջոցներ կիրառել․․․
Ուկրաինայի իրադարձությունների համար միայն գործող նախագահը չի, որ պատասխանատու է. Լուկաշենկո
Բավական է հիշել օտարերկրյա բանկերում հաշիվների մասին, կառավարիչներն իրենց ձեռքով կհանձնեն երկիրը...
ԵՀ-ն Կիևին 1,5 միլիարդ եվրոյի չափով օգնության հերթական մասնաբաժինն է փոխանցել
Եվրահանձնաժողովը Ուկրաինային է փոխանցել արտակարգ ֆինանսավորման երկրորդ մասնաբաժինը
Ուկրաինայի քաղաքացիներին թույլատրվել է առանց վիզայի Վրաստանում մնալ երեք տարի
Ուկրաինայի քաղաքացիներն իրավունք ունեն մուտք գործել Վրաստան առանց վիզայի և մնալ երեք տարի
Ուկրաինական անօդաչուները հարվածել են Սմոլենսկի մարզի երկու նավթապահեստի
Այդ նավթապահեստներում եղել է 26 հազ․ խորանարդ մետր ռուսաստանյան վառելիք
Ամենաշատ