Իրանը թարմացրել է ՀՕՊ համակարգը՝ հաշվի առնելով նոր սպառնալիքները։ Այս մասին ասել է Իրանի ՀՕՊ հյուսիսարեւելյան գոտու հրամանատար, բրիգադի գեներալ Մոհամադռեզա Մասումին, տեղեկացրել է Mehr-ը։

Նրա խոսքով՝ Իրանի ՀՕՊ-ը կարող է որսալ ցանկացած սպառնալիք։ Նա ավելացրել է, որ եթե աերոտիեզերական սպառնալիքները սրընթաց ավելանան, ապա նույն արագությամբ երկրում կզարգանա նաեւ պաշտպանական տեխնիկան։

Հրամանատարը նաեւ հաստատել է, որ Իրանի ռազմական առաջընթացը ուղղված է միայն զսպմանը եւ սպառնալիք չի պարունակում հարեւանների համար։