Եվլախում ադրբեջանցի Ահմեդ Նասիբովի (1991թ. ծնվ.) սպանության տեսանյութը հայտնվել է սոցցանցում։ Տեղեկացվել է, որ տուժածը հոսպիտալացվել է, բայց նրան փրկել չի հաջողվել։ Ինչպես տեղեկացրել են ադրբեջանական ԶԼՄ-ները, ոստիկանությունը ձերբակալել է  Եվլախի շրջանի բնակիչ Սալեհ Ալիեւին (1989թ. ծնվ.) հանցագործությունը կատարելու կասկածանքով։ Նրանից առգրավվել է հրազեն, որից նա, ենթադրաբար, կրակել է Նասիբովին։ Նասիբովը ակտիվորեն կոնտենտ էր տեղադրում TikTok ցանցում, որտեղ օգտագործում էր azəri canavar նիկնեյմը։ Միջադեպից մեկ օր առաջ նա վեճ է ունեցել Ս.Ալիեւի հետ։