Բրազիլիայի մեծ մասում աննախադեպ շոգի պատճառով վտանգի կարմիր մակարդակ է հայտարարվել, հայտնում է BBC-ն։
Կիրակի օրը Ռիո դե Ժանեյրոյում գրանցվել է նոյեմբերի ռեկորդային ջերմաստիճան՝ 42,5°C:
Սան Պաուլոյում երեքշաբթի ցերեկը միջին ջերմաստիճանը կազմել է 37,3°C, ըստ Օդերևութաբանության ազգային ինստիտուտի (Inmet) տվյալների:
Շոգից ավելի քան 100 միլիոն մարդ է տուժել։
Իշխանություններն անոմալ բարձր ջերմաստիճանը կապում են Էլ Նինյո ֆենոմենի, որը հանգեցնում է գլոբալ միջին ջերմաստիճանի բարձրացմանը, ինչպես նաև կլիմայի փոփոխության հետ։