![](img/news/79/30/11/default.jpg)
Լեռնային Ղարաբաղի հայերը տեղահանվել են, եւ խոսքը ոչ թե 100 հազարի, այլ 150 հազար մարդու մասին է։ Այս մասին Ազգային ժողովում նոյեմբերի 17-ին՝ ավանդական ճեպազրույցների ժամանակ, հայտարարեց ընդդիմադիր «Հայաստան» խմբակցության քարտուղար Արծվիկ Մինասյանը։
Այս թվերը, նրա խոսքով, չափազանց կարևոր են միջազգային կառույցների հետ աշխատելու տեսանկյունից։
«Նրանք պետք է տեղի ունեցածի ճիշտ պատկերը ներկայացնել»,- ասաց Մինասյանը։
Լեռնային Ղարաբաղի պետական կառույցները, ըստ պատգամավորի, պետք է գործեն։ Դա առաջին հերթին վերաբերում է նախագահի ինստիտուտին, խորհրդարանին ու արտաքին գործերի նախարարությանը։
«Այդ մարմինները պետք է աշխատեն, ներկայացնեն մարդկանց խնդիրները, կարողանան լուծել դրանք»,- ընդգծեց պատգամավորը։
2015 թվականի դեկտեմբերի 1-ին անցկացված մարդահամարի արդյունքներով Լեռնային Ղարաբաղի Հանրապետության բնակչությունը կազմել է 145 053 մարդ (մշտական բնակչությունը, ներառյալ՝ ժամանակավոր բացակայողները) կամ ԼՂՀ տարածքում մարդահամարով հաշվառված 140 535 մարդ՝ առանց երկրից ժամանակավորապես բացակայողների։