News
Լրահոս
News
Երկուշաբթի
Փետրվար 26
Տեսնել լրահոսը


Իրանը, խոսելով արտատարածաշրջանային ուժերի առկայության մասին, ավելի շատ մտահոգված է նատոյական Թուրքիայի ներկայությամբ Ադրբեջանում և Արցախի օկուպացված տարածքներում, քան՝ Հայաստանում ԵՄ դիտորդների ներկայությամբ։ Այս մասին նոյեմբերի 28-ին NEWS.am -ի թղթակցի հետ զրույցում ասել է Իրանի խորհրդարանի նախկին պատգամավոր, պատմաբան Կարեն Խանլարյանը։

Նրա խոսքով՝ Թեհրանի այս մոտեցումը վերաբերում է Թուրքիային ոչ թե որպես առանձին երկրի, այլ որպես ՆԱՏՕ-ի անդամի։

Նա կարծում է, որ, այսպես կոչված, Զանգեզուրի միջանցքի բացումը կնշանակի ոչ միայն ՆԱՏՕ-ի, այլեւ Իսրայելի ներկայություն ողջ հարավկովկասյան տարածաշրջանում։

«Կարծում եմ՝ Իրանի հիմնական մտահոգությունը սրա հետ է կապված, այլ ոչ թե ԵՄ առաքելության։ Բացի այդ, եթե Թուրքիան ազատ ելք ունենա դեպի Ադրբեջան, կարող է վերահսկողության տակ վերցնել Կասպից ծովը։ Դա կնշանակի, որ Կենտրոնական Ասիան մինչև Պակիստան կգտնվի ՆԱՏՕ-ի ռազմական վերահսկողության տակ»,- հավելեց Խանլարյանը։

Նա ենթադրում է, որ այս պահին Սյունիքի նկատմամբ Թուրքիայի և Ադրբեջանի հավակնությունների դեմ հիմնական զսպիչն Իրանի սկզբունքային դիրքորոշումն է։

«Եթե Իրանը միջամտի Մերձավոր Արևելքի գործընթացներին, և ուշադրությունը Հարավային Կովկասի նկատմամբ թուլանա, ապա Ադրբեջանի և Թուրքիայի կողմից Սյունիքի դեմ ռազմական ագրեսիայի հավանականությունը կմեծանա։ Սակայն նման սցենարը քիչ հավանական է»,- ընդգծեց պատմաբանը։

Նրա գնահատմամբ՝ Թեհրանը կարող է նույնիսկ առանց ռազմական միջամտության այլ երկրներին հետ պահել անցանկալի գործողություններից, ինչպես դա տեղի է ունենում Մերձավոր Արևելքում։

«Իրանը հզոր քաղաքական և դիվանագիտական ​​լծակներ ունի Ադրբեջանի վրա։ Այս լծակները սկսել են տեսանելի լինել 2016 թվականի քառօրյա պատերազմի ժամանակ։ Եվ այսօր այդ լծակներն էլ ավելի են ուժեղացել»,- պարզաբանեց Խանլարյանը։

Ինչ վերաբերում է «3+3» ձևաչափին, ապա Իրանն այն դիտարկում է ոչ թե որպես հակամարտությունների կարգավորման հարթակ, այլ որպես հետկոնֆլիկտային իրավիճակի քննարկման հարթակ։

«Այս առումով ձևաչափը կարող է օգտակար լինել ողջ տարածաշրջանի համար։ Բայց եթե Ադրբեջանը փորձում է օգտագործել «3+3»-ը կոնֆլիկտային հարցերը լուծելու համար, ապա Հայաստանը պետք է ուշադրություն դարձնի դրան»,- ասաց պատմաբանը։

Եթե ​​Երեւանը ձգտում է դիվերսիֆիկացնել իր հարաբերությունները, ապա Իրանն այս առումով կարող է լավ գործընկեր դառնալ ոչ միայն անվտանգության, այլեւ այլ ոլորտներում, վստահ է նա։

«Ես կարծում եմ, որ դիվերսիֆիկացիան չպետք է շփոթել արտաքին քաղաքական վեկտորի փոփոխության հետ»,- եզրափակեց նախկին պատգամավորը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանը պատրաստ է ռազմական դաշինք կնքել Հայաստանի հետ եւ ուժեր տեղակայել Սյունիքում. Ռազմական փորձագետ
Հիմա բաց տեքստով ասում են՝ կարող ենք անգամ զորքեր տալ, էլ զենքի մասին չեմ խոսում...
Իրանի գյուղատնտեսության ոլորտի ներկայացուցիչների հետ քննարկվել է կարանտինային անցակետի կառուցման հարցը
Աշխեն Շիրվանյանը նշել է, որ այցի ընթացքում երկուստեք հետաքրքրություն ներկայացնող հարցերի շուրջ ձեռքբերված պայմանավորվածությունները գործնական...
Իրանի ամենակարդացվող պոետի՝ Հաֆեզի գիրքը թարգմանվել է հայերեն (ֆոտո)
Հաֆեզի այս ժողովածուն ներառում է բանաստեղծի 292 գազել և 16 քառյակ…
Իրանն ու Հայաստանը պայմանավորվել են ապրանքաշրջանառությունը հասցնել 3 միլիարդ դոլարի
Երկու երկրները նաև 19 ոլորտներում համագործակցությունն ընդլայնելու մասին փաստաթղթեր են ստորագրել...
Իրանը դեմ է տարածաշրջանում օտար ուժերի ներկայությանը. Ռաիսի
Իրանի ղեկավարի խոսքով՝ Թեհրանի և Երևանի հարաբերությունները պատմական են, բարեկամական և կառուցողական...
Հայտնի է Իրան գործուղվող պատվիրակության կազմը. Փաշինյանը որոշում է ստորագրել
Հայաստանի Հանրապետության փոխվարչապետ Մհեր Գրիգորյանին՝ գործուղումից վերադառնալուց հետո եռօրյա ժամկետում…
Ամենաշատ