News
Լրահոս
News
Շաբաթ
Փետրվար 24
Տեսնել լրահոսը

Ուկրաինայի հակահարձակումը ձախողվեց, քանի որ դատապարտված էր ի սկազբանե։ Այս մասին ABC NEWS-ին հայտնել է ուկրաինացի սպա, մեքենայացված բրիգադի 47-րդ վաշտի հրամանատար, լեյտենանտ Միկոլա Մելնիկը, որը հունիսի սկզբին գրոհում էր հարավային ճակատը Զապորոժիեի մարզում։

«Այն ձախողվեց»,- ասել է նա այն գործողության մասին, որում Ուկրաինան եւ արեւմտյան դաշնակիցները այդքան շատ միջոցներ էին ներդրել։ «Եթե նկատի ունենանք, որ հակահարձակման ամբողջ իմաստը Բախմուտի շրջանում երկու-երեք գյուղ գրավելն էր եւ մեկը՝ զապորոժյան ուղղությամբ, ապա դա մեզ հաջողվեց։ Բայց եթե խոսենք այն մասին, որ մենք պետք է հասնեինք Ղրիմ, բայց իրականում ընդամենը 10 կիլոմետր ենք առաջ անցնել [Մելիտոպոլի ուղղությամբ], ապա մի փոքր անհաջող էր»։

38-ամյա տղամարդն ասում է, որ գործողությունը ձախողվել է վաղ փուլերում բարձր հրամանատարության  վատ պլանավորման պատճառով։ «Մեղավոր են նրանք, ովքեր դրան հավանություն են տվել»,- ասել է նա։

«Նրանք հիանալի գիտեին մեր ուժերը եւ մատակարարումը։ Նրանք պետք է գնահատեին հակառակորդի ուժերը»։

Այս առաջին անհաջողություններից հետո ուկրաինական զինված ուժերը հարմարվեցին եւ այդ ժամանակվանից ավելի հյուծիչ պայքար են մղում հարավային ճակատում։ Առաջընթացը դանդաղ է։

Մելնիկն ասում է, որ պլանավորման մեջ մի լուրջ բացթողում կար։ Նա կարծում է, որ բարձր հրամանատարությունը թերագնահատել է ռուսական պաշտպանական գծերը եւ զինվորների՝ նրանց զսպելու ունակությունը։

«Ամբողջ ռազմավարությունն այն էր, որպեսզի հակառակորդը տեսնի մեզ, վախենա եւ սկսի նահանջել»,- ասել է նա։ «Բայց հակառակորդը չէր պատրաստվում նահանջել, որովհետեւ այնտեղ էր առաջնագիծը, իսկ դրա հետեւում ախմատովականներն էին ու ԲԱՐՍ-ը [ռուսական հատուկջոկատայինները]։ Նրանց հետեւակը նահանջելու տեղ չուներ. կամ մենք սպանում ենք նրանց, կամ նրանց սպանում են նահանջելիս։ Ուստի նրանց պաշտպանությունն ամուր էր»։

ABC հեռուստաալիքը կապվել է Ուկրաինայի Զինված ուժերի Գլխավոր շտաբի հետ իրադարձությունների՝ լեյտենատ Մելնիկի տարբերակի վերաբերյալ պատասխան ստանալու համար։ Գերատեսչությունում ուղիղ չեն անդրադարձել Մելնիկի փաստարկներին, դրա փոխարեն նշել են զինված ուժերի ղեկավար, գեներալ Վալերի Զալուժնիի մեկնաբանությունները Economist ամսագրում։ Նոյեմբերի 1-ին հրապարակված հոդվածում Զալուժնին ասել է, որ մարտադաշտի ներկա վիճակը կապ ունի անցյալի հակամարտությունների հետ։ Նա նկարագրել է իրավիճակը որպես փակուղի, որն սպասում է խոշոր տեխնոլոգիական բեկման երկու կողմից։ «Ինչպես եւ Առաջին համաշխարհային պատերազմի ժամանակ, մենք հասել ենք տեխնոլոգիաների այնպիսի մակարդակի, որը մեզ փակուղու առջեւ է կանգնեցնում»,- ասել է նա։ Խոսելով կանգ առած հակահարձակման մասին՝ գեներալը խոստովանել է. «Խոր եւ գեղեցիկ առաջընթաց, ամենայն հավանականությամբ, չի լինի»։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Շվեյցարիան մինչեւ ամառ կկազմակերպի բարձր մակարդակի կոնֆերանս Ուկրաինայի վերաբերյալ
Շվեյցարիան նախատեսում է կոնֆերանս հրավիրել...
ԵՄ-ն 1․5 միլիարդ դոլար է հավաքում երրորդ երկրներից Ուկրաինայի համար զենք գնելու համար․ FT
Այս ծրագիրը առաջ է տանում Չեխիան․․․
Կրասնոդարի Տրուդովայա Արմենիա գյուղի տարածքում թռչող անհայտ սարք է ընկել և բռնկվել
Ուկրաինական լրատվամիջոցները պնդում են, որ դա ռուսական ինքնաթիռ է․․․
Զելենսկին հայտարարել է նոր հակահարձակման պատրաստվելու մասին
«Շատ կարևոր է նաև արևելքի պաշտպանությունը, որտեղ նրանք ունեն ավելի քան 200 հազար զինվոր»․․․
Բայդենն ԱՄՆ Կոնգրեսին կոչ է արել համաձայնության գալ Կիևին օգնելու հարցում
Կոչ է արել «անվտանգության լրացուցիչ միջոցների մասին երկկուսակցական օրինագիծ ընդունել, քանի դեռ ուշ չէ»․․․
ՌԴ ԱԳՆ-ն ԵՄ նոր պատժամիջոցներն անօրինական և ՄԱԿ-ի Անվտանգության խորհրդի իրավասությունները խաթարող է համարել 
Նախարարությունը հավելել է, որ արևմտյան երկրների ցանկացած ոչ բարեկամական գործողություն կշարունակի ստանալ «ժամանակին և համարժեք պատասխան»...
Ամենաշատ