Թուրքիայի նախագահ Ռեջեփ Էրդողանը հայտարարել է, որ չի կարող «քայլ անել»՝ հաստատելու Շվեդիայի անդամակցությունը ՆԱՏՕ-ին առանց խորհրդարանի, և սպասում է Միացյալ Նահանգների «համերաշխության ներդրմանը»։

«...Եթե դուք (ԱՄՆ) ունեք կոնգրես, ապա ես ունեմ խորհրդարան։ Ասում եք՝ Կոնգրեսով անցնելուց հետո F-16-ի հարցում քայլ կանեք, ես էլ խորհրդարան ունեմ։ Ես չեմ կարող նման քայլի գնալ (հաստատել Շվեդիայի անդամակցությունը ՆԱՏՕ-ին) առանց խորհրդարան անցնելու։ Եթե ​​մենք ՆԱՏՕ-ում դաշնակից երկու երկրներ ենք, ապա դուք կատարում եք ձեր գործը միաժամանակ՝ ի նշան համերաշխության, և մեր խորհրդարանը կայացնում է անհրաժեշտ որոշումը։ Դա այդպես է»,- Հունաստանից վերադառնալիս ինքնաթիռում լրագրողներին ասել է թուրք առաջնորդը։

Ավելի վաղ լրատվամիջոցները, վկայակոչելով ԱՄՆ Պետդեպարտամենտի բարձրաստիճան պաշտոնյային, հայտնել էին, որ Թուրքիայի արտգործնախարար Հաքան Ֆիդանը երեքշաբթի օրը ՆԱՏՕ-ի գործընկերներին ասել է, որ քրտնաջան աշխատում է դաշինքին միանալու Շվեդիայի դիմումը վավերացնելու համար, ինչը կարող է տեղի ունենալ մինչև տարեվերջ։ Հավանականություն կա, որ ՆԱՏՕ-ին Շվեդիայի անդամակցության մասին արձանագրությունը կվավերացվի մինչև տարեվերջ, սակայն կոնկրետ ժամկետներ չկան, թե երբ դա տեղի կունենա, РИА Новости-ին հայտնել է օրենսդիր մարմնի աղբյուրը։