Honda Motor ընկերությունը դիտարկում է Կանադայում էլեկտրական մեքենաների գործարան կառուցել՝ մոտ 2 տրիլիոն իեն (13,83 միլիարդ դոլար) արժողությամբ նախագծի շրջանակներում, որը, հնարավոր է, ներառի սեփական կուտակիչների արտադրությունը, գրում է ճապոնական Nikkei լրատվամիջոցը։
ԶԼՄ-ն ընդգծում է, որ այս նախագիծը կարող է դառնալ Honda-ի խոշորագույն ներդրումներից մեկը։
Ճապոնական ավտոարտադրողը դիտարկում է գործարանի մի քանի հնարավոր տեղամասեր, այդ թվում Օնտարիոյում գործող ավտոգործարանի մոտ, հայտնում է Nikkei-ն՝ հավելելով, որ Honda-ն որոշման ընդունումն ակնկալում մինչև տարեվերջ, իսկ նոր գործարանը կգործարկվի արդեն 2028 թվականին:
Honda-ն արդեն պլաններ ունի սկսել էլեկտրական մեքենաների արտադրությունն ու վաճառքը Հյուսիսային Ամերիկայում 2026 թվականին՝ հիմնվելով իր նոր Honda e:Architecture-ի վրա:
Ավտոարտադրողն իր գործընկեր LG Energy Solution-ի հետ միասին, 2022 թվականին Օհայոն հայտարարեց կուտակիչների արտադրության 4,4 միլիարդ դոլար արժողությամբ համատեղ ձեռնարկության վայր:
2023 թվականի հոկտեմբերին Honda-ն և General Motors-ը հայտարարեցին, որ հրաժարվում են համատեղ մատչելի գնով էլեկտրական մեքենաների մշակման ծրագրից՝ մեկ տարի անց, երբ համաձայնվել էին 5 միլիարդ դոլարի համագործակցությանը՝ փորձելով վաճառքով գերազանցել Tesla-ին:
