Հայաստանը Հավաքական անվտանգության պայմանագրի կազմակերպության (ՀԱՊԿ) անդամակցությունը դադարեցնելու իրավաբանական գործողություններ չի կատարել, տեղեկացրել է Ղազախստանի արտաքին գործերի փոխնախարար Ռոման Վասիլենկոն, տեղեկացրել է Каз ТАГ-ը։
«Մենք դե ֆակտո տեսնում ենք Հայաստանի հայտարարությունը ՀԱՊԿ-ին մասնակցությունը դադարեցնելու մասին։ Որեւէ իրավաբանական գորոծղություն անդամակցությունը դադարեցնելու մասին Հայաստանը, որքան գիտեմ, չի նախաձեռնել։ Այսինքն՝ դե յուրե Հայաստանը չի դադարեցնում իր անդամակցությունը ՀԱՊԿ-ին»,- ասել է Վասիլենկոն հինգշաբթի սենատում։
Ինչպես նշել է փոխնախարարը, կազմակերպությունը կշարունակի իր գոյությունն անգամ երկրներից մեկի դուրս գալուց հետո։ Նա նաեւ ավելացրել է, որ ՀԱՊԿ-ն կարեւոր դեր է խաղում Ղազախստանի անվտանգության գործում։
