Եվրահանձնաժողովն առաջիկայում տուրքեր կմտցնի Ռուսաստանից եւ Բելառուսից ներկրվող հացահատիկի համար՝ մեկ տոննան 95 եվրոյի չափով։ Այս մասին տեղեկացրել է Financial Times թերթը՝ հղում կատարելով աղբյուրներին։ Նրանք հավաստիացնում են, որ դա պետք է հանգեցնի այդ հացահատիկի գնի բարձրացման առնվազն 50 տոկոսով եւ իջեցնի դրա պահանջարկը։ 50 տոկոսի չափով տուրքեր կմտցվեն նաեւ ռուսական եւ բելառուսական յուղային մշակաբույսերի սերմերի եւ դրանց վերամշակման արտադրանքների վրա, գրել է թերթը։