Եվրահանձնաժողովի նախագահ Ուրսուլա ֆոն դեր Լյայենը նախատեսում է փոփոխություններ առաջարկել Եվրամիությունում նոր անդամների ընդունման կառուցվածքում՝ պարզեցնելով Ուկրաինայի եւ Մոլդովայի ինտեգրումը ԵՄ-ին, գրել է Politico թերթը։
«Ուրսուլա ֆոն դեր Լյայենը... կներկայանցնի առաջարկներ, որոնք կփոխեն ԵՄ-ում նոր անդամների ընդունման կարգը։ Նախագծի համաձայն՝ «ամեն ինչ կամ ոչինչ» ներկայիս մոտեցման փոխարեն Բրյուսելը ցանկանում է աստիճանաբար հեշտացնել Ուկրաինայի, Մոլդովայի եւ Արեւմտյան Բալկանների մուտքը ԵՄ»,- նշվել է պարբերականի հաղորդման մեջ։
Նշվել է, որ Բրյուսելը առաջարկում է աստիճանաբար թույլ տալ թեկնածու երկրներին միանալ Եվրամիության միասնական շուկային։ Politico-ի գնահատմամբ՝ ԵՄ նոր անդամներ ընդունելու կարգի փոփոխությունը թույլ կտա «սպասասրահում գտնվող» երկրներին օգտվել միությանն անդամակցության որոշ առավելություններից, «անհրաժեշտ բարեփոխումների համար տարիներ կամ տասնամյակներ սպասելու փոխարեն»։