![](img/news/81/34/43/default.jpg)
Իսրայելցի զինվորականները «Աշ-Շիֆա» հիվանդանոցային համալիրում ստուգումների ժամանակ գտել են 3 մլն դոլար կանխիկ գումար։ Այս մասին տեղեկացրել է բանակի մամուլի ծառայությունը։
Նրա տեղեկացմամբ՝ փողերը գտնվել են իսրայելական բանակի ծառայողների կողմից։ «Խուզարկությունների ժամանակ հայտնաբերվել է 11 մլն շեքել (մոտ 3 մլն դոլար) ամերիկյան դոլարներով եւ հորդանանյան դինարներով՝ նախատեսված ահաբեկչության ֆինանսավորման համար»,- հայտնել են մամուլի ծառայությունում։
Այստեղ ավելացրել են, որ զինվորականները հիվանդանոցի կողքի անցակետով բաց են թողել Գազայի 3,7 հազար բնակչի, որոնցից 300-ին ձերբակալել են ահաբեկչությանը հանցակցության կասկածանքով։ Նրանց մեջ կան «բարձր կարգի տասնյակ ահաբեկիչներ»։
Անցած գիշեր իսրայելցի զինվորականները համակարգել են այդ շրջան հումանիտար օգնության եւ վառելիքի առաքումը տեղի բնակչության կարիքների համար, նշել են մամուլի ծառայությունում։ Տեղ է հասցվել մոտ 1,8 հազար լիտր ջուր եւ 3,8 տոննա սննդամթերք ու վառելիքով բեռնատար։