Եվրամիությունը հակամարտության սկզբից Ուկրաինային տրամադրել է 31 միլիարդ եվրոյի զենք: ԵՄ գագաթնաժողով ժամանելուն պես դրա մասին հայտարարել է ԵՄ արտաքին գործերի և անվտանգության քաղաքականության բարձր հանձնակատար Ժոզեպ Բորելը: «Նոր թիվ. ԵՄ-ն Ուկրաինային հակամարտության սկզբից ի վեր տրամադրել է ընդհանուր 31 եվրոյի ռազմական օգնություն: Այս տարի մենք նախատեսում ենք ևս 20 միլիարդ եվրոյի մատակարարումներ»,- ասել է Բորելը։
«Ինչ վերաբերում է արկերի մատակարարմանը, մոտ 500 հազար արկ ենք նվիրաբերել անվճար, բայց եթե հաշվենք արտահանումը, առևտրային մատակարարումները, եվրոպական արդյունաբերությունը մոտ 400 հազարով ավելի է արտադրում Ուկրաինայի համար: Սակայն պետք է շարունակենք աշխատել, քանի որ Ուկրաինային նույնիսկ 2 միլիոն արկը չի բավարարի»:
