Ռուսաստանն ու Չինաստանը ՄԱԿ-ի Անվտանգության խորհրդում վետո են դրել Գազայի հատվածի վերաբերյալ ԱՄՆ-ի բանաձևի նախագծի վրա, որում անկլավում անհապաղ հրադադար հաստատելու մասին պահանջ առկա չէր։ Այս մասին հայտնում է РИА Новости-ն։
Բանաձեւին դեմ են քվեարկել Ռուսաստանի Դաշնությունը, Չինաստանը եւ Ալժիրը։ Կողմ է արտահայտվել 11 երկիր։ Գայանան ձեռնպահ է քվեարկել։
Ամերիկյան փաստաթղթի հետ կապված հիմնական դժգոհություններից մեկը, ինչպես պարզաբանել է ՄԱԿ-ում Ռուսաստանի մշտական ներկայացուցչությունը, անկլավում հրադադարի ուղղակի պահանջի բացակայությունն է։ Դրանում ասվում է, որ Անվտանգության խորհուրդը «նշում է անհապաղ և կայուն հրադադարի հրատապ անհրաժեշտությունը... և միանշանակորեն աջակցում է շարունակվող միջազգային դիվանագիտական ջանքերին՝ նման զինադադարի հասնելու համար՝ բոլոր մնացած պատանդների ազատ արձակման հետ մեկտեղ»:
