Այսօր ՄԱԿ Անվտանգության խորհրդում նախատեսված է Գազայում հրադադարի մասին բանաձեւի նախագծի քվեարկություն...

Փաստաթուղթը, որը պարունակելու է անհապաղ հրադադարի կոչ Ռամադանին, առաջադրել են Անվտանգության խորհրդի 10 անդամներ, տեղեկացրել է AFP-ն։

Դիվանագիտական աղբյուրների տեղեկացմամբ՝ սպասվում է, որ բանաձեւն, ամենայն հավանականությամբ, կընդունվի, քանի որ խորհրդի 5 մշտական անդամներից ոչ մեկը չի հայտարարել նախագծի վրա վետո դնելու հավանականության մասին։

Սկզբում ՄԱԿ ԱԽ-ն նախատեսում էր նախագիծը քվեարկել շաբաթ, մարտի 23-ին, բայց քվեարկությունը հետաձգվեց, մինչ շարունակվում էին բանակցությունները։