Վերացվել է ԻՊ-ի բարձրաստիճան հրամանատարը, որը պատասխանատու էր Իրաք և Սիրիա ահաբեկիչների և զենքի տեղափոխման համար։ Այս մասին հայտնել է Իրաքի զինված ուժերի միացյալ օպերատիվ հրամանատարությունը, փոխանցում է Shafaq News-ը։
«Ուժերը ոչնչացրել են ահաբեկիչ Սամիր Խիդր Շարիֆ Շիհան ալ Նամրավիին»,- ասվում է հրամանատարության հայտարարության մեջ։
Հաղորդագրությունում նշվում է, որ ԻՊ-ի ղեկավարը ղեկավարել է զինյալներին, որոնք մասնակցել են Իրաքի Անբար նահանգում խաղաղ բնակչության դեմ գործողություններին։