News
Լրահոս
News
Հինգշաբթի
Մայիս 30
Տեսնել լրահոսը

Հայաստանի վարչապետի, ԱՄՆ պետքարտուղարի եւ Եվրահանձնաժողովի նախագահի հանդիպումը արեւմտյան խաղերին Հայաստանի ներգրավման փուլերից մեկն է։ Ռուսաստանում, վերջապես, գիտակցեցին, թե ինչ է տեղի ունենում։ Այս մասին NEWS.am-ի հետ զրույցում հայտնել է ԵԱՏՄ ինստիտուտի տնօրեն, ռուս քաղաքագետ Վլադիմիր Լեպեխինը։

Նրա խոսքով՝ Ռուսաստանում երկար ժամանակ կարծում էին, թե Փաշինյանի քայլերը դեպի Արեւմուտք պատահականություն են։

«Այժմ, վերջապես, հասկացան, որ ընթանում է Իրանի դեմ պատերազմի պատրաստություն։ Հայաստանը դառնում է պլացդարմ Իրանի դեմ պատերազմի համար։ Այդ հանդիպումները կրում են գայթակղության բնույթ։ Խոստումներ են տրվում եվրաինտեգրման, ՆԱՏՕ-ի պաշտպանության, Հայաստանին քաղաքակիրթ պետությունների ընտանիք ընդունելու մասին։ Իրականում Հայաստանը պարզապես օգտագործում են ի շահ արեւմտյան ուժերի»,- նշել է նա։

Նրա համոզմամբ՝ Հայաստանը դրանից ոչինչ չի ստանա՝ իր երկրում եւ Հարավային Կովկասում իրավիճակի լրացուցիչ ապակայունացումից բացի։

Լեպեխինը կարծում է, որ ընդհուպ Իրանին մոտենալու միակ միջոցը Հայաստանով է։

«Այդ հանդիպումը պետք է դիտարկել Հարավային Կովկասում իր դիրքի ամրապնդման Արեւմուտքի հետեւողական գծի շրջանակում՝ Իսրայելի հետ համատեղ տարածաշրջանը վերահսկելու նպատակով, իր աշխարհաքաղաքական շահերից ելնելով»,- կարծում է նա։

Փորձագետը վստահ է, որ Ադրբեջանի եւ Թուրքիայի էքսպանսիան 2020թ. ուղղված էր ավելի շատ Ռուսաստանի, քան թե Հայաստանի դեմ։

Նա նշել է, որ Ռուսաստանին վերջին երեք տարիներին փաստացի դուրս են մղել Հարավային Կովկասից, իսկ հիմա եկել է Իրանի հերթը։

«Ռուսաստանը դեռ դիրքորոշում չունի Հարավային Կովկասի վերաբերյալ եւ ոչինչ անել չի կարող։ Ազգային շահերի առաջնահերթության ուղղությամբ Ռուսաստանի արտաքին քաղաքականության փոխվելու դեպքում նա, գուցե, փորձի վերադառնալ Հարավային Կովկաս, բայց ոչ այս պահին»,- բացատրել է Լեպեխինը։

Նա ընդգծել է, որ ներկա պահին ընթանում է Արեւմուտքի էքսպանսիան մի քանի ուղղություններով, այդ թվում մեծ Իսրայել նախագծի իրականացման միջոցով, պաղեստինցիներից Իսրայելի մաքրմամբ։

Երկրորդ խնդիրը Իրանին հասնելն ու նրան մարտական գործողությունների դրդելն է, որպեսզի նվազագույնի հասցվի նրա ազդեցությունը, գուցեեւ ԻԻՀ ջախջախումն ու ոչնչացումը որպես գործոնի։

Ռուսաստանի վերաբերյալ նախատեսվում է անցում երկրորդ փուլ՝ ՌԴ-ի ներգրավում ՆԱՏՕ-ի հետ դիմակայության մեջ, գուցե Մերձբալիթկայում, Լեհաստանում, Ռումինիայում։

Ինչ վերաբերում է Հարավային Կովկասին, ապա առաջնահերթ խնդիրը տարածաշրջանի երկրները (Հայաստան, Ադրբեջան, Թուրքիա) Իրանի հետ դիմակայության մեջ ներքաշելն է։ ՆԱՏՕ-ն պետք է թափանցի տարածաշրջան Հայաստանով եւ դրդի Իրանին։

Ինչո՞ւ է Արեւմուտքին պետք համագործակցել Հայաստանի հետ։

Հայաստանին կօգտագործեն։ Փաշինյանին ու իր շրջապատին փող են խոստացել, վարկեր, ուղեւորություններ արտասահմանյան երկրներ եւ ներկայություն ինչ-որ կազմակերպությունում։ Սակայն իրականում խոսքն այն մասին է, որ Հայաստանը հետեւողականորեն դառնում է Արեւմուտքի գաղութ։ Հայաստանն Արեւմուտքի ինչի՞ն է պետք աշխարհագրական դիրքից բացի։ Այդ աշխարհագրական դիրքը կօգտագործվի Իրանի դեմ հարձակվելու համար։

Հայաստանը կօգտագործվի արեւմտյան տերությունների, առաջին հերթին Բրիտանիայի շահերի համար, որը վաղուց Թուրքիայի եւ Ադրբեջանի միջոցով զբաղվում է հատուկ գործողություններով։ Լոնդոնը 2018թ. Հայաստանում պետական հեղաշրջում կազմակերպեց, երկրի ղեկին դրեց իր մարդկանց, ավելի ուշ կազմակերպեց ռազմական գործողություններ Հայաստանի դեմ եւ աստիճանաբար Հայաստանը վերածում է խամաճիկի՝ ելնելով իր շահերից»,- ամփոփել է քաղաքագետը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փոխվարչապետ Մհեր Գրիգորյանը մասնակցում է ԵՏՀ խորհրդի նիստին
Նիստի օրակարգում ընդգրկված են երեք տասնյակից ավելի հարցեր...
Հայաստանի մասնակցությունը ԵԱՏՄ-ին շահեկան է երկրի համար, եւ դա հաստատում է վիճակագրությունը. ՌԴ ԱԳՆ
Հայաստանի մասնակցությունը ԵԱՏՄ-ին շահեկան է երկրի համար...
Վերջին երկու տարում ՀՀ ապրանքաշրջանառության կառուցվածքում տեղի են ունեցել էական փոփոխություններ. Թավադյան
Նշվել են Հայաստանի արտաքին առևտրի հիմնական միտումները 2023-2024 թվականներին...
Ղազախստանի դեսպանը նշել է ԵԱՏՄ-ում Հայաստանի նախագահության առաջնահերթությունները
Դեսպանի խոսքով, վերջերս Մոսկվայում կայացած Եվրասիական տնտեսական բարձրագույն խորհրդի նիստում...
Արեւմուտքի պատժամիջոցները խնդիրներ են առաջացնում ոչ միայն Ռուսաստանի, այլեւ ողջ ԵԱՏՄ-ի համար. Մանասերյան
Ներկայացվել են 2024թ. զարգացման հեռանկարները...
Կռիլով. Հայաստանի զարգացման հեռանկարները կորոշվեն նրա ընտրությամբ
Պատմական և քաղաքակրթական համայնքի մասին երևակայությունները փոխարինվել են սեփական ազգային...
Ամենաշատ
Ֆոտոռեպորտաժներ