ՆԱՏՕ գլխավոր քարտուղար Յենս Սթոլտենբերգը կարծում է, որ Վրաստանի կողմից «օտարերկրյա գործակալների» մասին օրենքի ընդունումը կխափանի երկրի դեմոկրատական վերափոխումը։
«Օտարերկրյա գործակալների կամ օտարերկրյա ազդեցության մասին օրինագծի կրկնակի քննարկումը փաստացի կհակասի Վրաստանում դեմոկրատական ինստիտուտների ամրապնդման բոլոր ջանքերին։ Վրաստանը պետք է աշխատի բարեփոխումների ուղղությամբ, որպեսզի մոտենա ՆԱՏՕ-ին եւ ԵՄ-ին»,- ասել է Սթոլտենբերգը Բրյուսելում, ՆԱՏՕ երկրների ԱԳՆ ղեկավարների հանդիպումից հետո կայացած մամուլի ասուլիսում, տեղեկացրել է Ngnewsgeorgia-ն։
