Հյուսիսային Եվրոպայի երկրներում Հյուսիսատլանտյան դաշինքի ցամաքային զորքերի շտաբ կստեղծվի ֆիննական Միկելեում, Ռուսաստանի հետ սահմանից 140 կիլոմետր հեռու։ Այս մասին, հղում կատարելով աղբյուրներին, երեքշաբթի տեղեկացրել է IltaLehti թերթը։
Ֆինլանդիայում շտաբի ստեղծման մասին պարբերականին հայտնել է նաեւ Նորվեգիայի պաշտպանության նախարար Բյորն Արիլդ Գրամը։
«Ֆինլանդիայում կտեղակայվի ՆԱՏՕ ցամաքային զորքերի շտաբ։ Պաշտպանության մեր ուժերի հրամանատարը խորհուրդ է տվել անել դա»,- նշել է Գրամը։
Խաղաղ ժամանակ շտաբը կպլանավորի եւ կիրականացնի ՆԱՏՕ ուսումնական միջոցառումներ տարածաշրջանում։ Ստեղծվող կազմակերպությունը՝ այսպես կոչված բարձր պատրաստվածության շտաբը, կաշխատի շուրջօրյա եւ կենթարկվի Նորֆոլքի կենտրոնակայանին ԱՄՆ արեւելյան ափում, նշվել է հաղորդման մեջ։ Թերթը նշել է, որ «այդ հարցը ներառված է ՆԱՏՕ Վաշինգտոնի հուլիսյան գագաթաժողովի օրակարգում»։ Միկելեում է գտնվում Ֆինլանդիայի բանակի շտաբը։
