News
Լրահոս
News
Շաբաթ
Մայիս 25
Տեսնել լրահոսը

Իսրայելը չէր կարող դիմակայել Իրանի ապրիլի 13-ի գործողությանը առանց ԱՄՆ-ի և արևմտյան ու տարածաշրջանային ռազմական այլ գործընկերների օգնության: Այս մասին հայտնում է The Wall Street Journal-ը (WSJ):

Ըստ պարբերականի, հրեական պետությանը հաջողվել է որսալ անօդաչու թռչող սարքերի և հրթիռների մեծ մասը՝ շնորհիվ ՀՕՊ համակարգերի և այլ զինատեսակների, որոնք տրամադրել են ԱՄՆ-ն և մյուս դաշնակիցները։ Ինչպես նշում է WSJ-ը, ամերիկյան, բրիտանական և հորդանանյան ռազմական ինքնաթիռները «մեծ դեր են խաղացել» անօդաչու սարքերը խոցելու գործում։

Սակայն, գրում է թերթը, պարզ չէ, թե, արդյո՞ք, Իսրայելը, իր դաշնակիցների աջակցությամբ, կարող է կրկնել նման փորձը «տոտալ պատերազմի պայմաններում», առավել ևս միայնակ դիմակայել թշնամու հարձակմանը, հաշվի առնելով Arrow և Patriot համակարգերի բարձր արժեքը:  Ըստ պարբերականի, այս հարցը մնում է առանցքային՝ Իրանի հարվածին պատասխան տալու Իսրայելի նախապատրաստության լույսի ներքո։

WSJ-ն նշում է, որ հրեական պետության կոշտ արձագանքը կհանգեցնի ավերիչ հետևանքների տարածաշրջանում, մինչդեռ դրա բացակայությունը Իսրայելին և նրա դաշնակիցներին «ավելի խոցելի» կդարձնի։ Բացի այդ, հրեական պետությունը պետք է հաշվի առնի Մերձավոր Արևելքում իր գործընկերների, այդ թվում՝ Հորդանանի, Սաուդյան Արաբիայի և Արաբական Միացյալ Էմիրությունների շահերը, որոնք հրեական պետությանը հետախուզական տվյալներ և բաց օդային տարածք են տրամադրել։

Ինչպես ավելի վաղ հայտնել էր WSJ-ը, Իսրայելը մոտակա օրերին կարող է գործողություններ ձեռնարկել՝ ի պատասխան իսրայելական ռազմական օբյեկտների վրա Իրանի հարձակման: Հրապարակման մեջ չի նշվում ստույգ օրը, երբ հրեական պետությունը կպատասխանի հարձակմանը։ Թերթի աղբյուրները նշել են, որ ԱՄՆ-ն չի մասնակցի իսրայելական հարձակողական որևէ գործողության։ Վաշինգտոնը պնդում է, որ հրեական պետությունը չանի ոչինչ, որը կհանգեցնի հետագա էսկալացիայի:



!
Այս նյութը հասանելի է նաև   Русский
Տպել
Կարդացեք նաև
Ամբողջը
Գազայի հատվածին իսրայելական հարվածների հետևանքով առնվազն 38 պաղեստինցի է զոհվել. Al Jazeera
Ավելի քան 7,000 խաղաղ բնակիչներ դեռևս անհետ կորած են համարվում․..
Իսրայելական բանակը հայտարարել է, որ Նեթանյահուն 2023 թվականի գարնանը և ամռանը բազմիցս նախազգուշացվել է
2023 թվականի ընթացքում՝ մարտից հուլիս՝ հետախուզական գործակալությունը չորս տարբեր նախազգուշական նամակներ է հղել...
16 մարդ դարձել է Գազա քաղաքի մզկիթին հասցված իսրայելական հարվածի զոհ. Al Jazeera
16 պաղեստինցի, ներառյալ 10 երեխա, զոհվել է Գազա քաղաքի մզկիթում...
Ֆրանսիան հայտարարել է, որ Պաղեստինի պետության ճանաչման պայմանները դեռ չեն կատարվել
Ֆրանսիայի ԱԳ նախարար Ստեֆան Սեժուրնի խոսքերը ստիպել են Ֆրանսիային հեռու մնալ Իռլանդիայից...
Իսրայելի դեսպաններին հետ են կանչել Նորվեգիայից եւ Իռլանդիայից՝ Պաղեստինի ճանաչման պատճառով
Կարգադրել եմ, որ խորհրդակցությունների համար անհապաղ Իսրայել վերադառնան Իսրայելի դեսպաններն Իռլանդիայում եւ Նորվեգիայում...
Նորվեգիան ճանաչում է Պաղեստինը որպես պետություն
Նորվեգիան պաշտոնապես ճանաչում է Պաղեստինը որպես պետություն...
Ամենաշատ
Ֆոտոռեպորտաժներ