News
Լրահոս
News
Երեքշաբթի
Մայիս 21
Տեսնել լրահոսը

Վրաստանի խորհրդարանի մոտ բողոքի ցույց է տեղի ունենում՝ ընդդեմ «օտարերկրյա գործակալների» մասին օրենքի ընդունման, որը երկուշաբթի օրը պետք է քննարկի խորհրդարանական հանձնաժողովը, հայտնում է Грузия Online-ը։

Հանրահավաքի մասնակիցները բողոքում են «Արտաքին ազդեցության թափանցիկության մասին» օրինագծի դեմ, որն այսօր առավոտյան կքննարկվի դատական ​​հանձնաժողովի կողմից։

Ցույցը տեղի է ունենում խորհրդարանի հետևի մուտքի մոտ։ Այդտեղ հավաքվել են հասարակական կազմակերպությունների և ԶԼՄ-ների ներկայացուցիչներ, որոնք  պարզել են «Ո՛չ ռուսաստանյան օրենքին» գրությամբ պաստառներ։ Նրանք առաջարկվող օրինագիծը համեմատում են ռուսաստանյան օրենսդրության հետ, որը Կրեմլն օգտագործում է այլախոհությունը ճնշելու համար: Դեպքի վայրում մոբիլիզացված է ոստիկանությունը։

Ինչպես հայտնում է SOVA-ն, ցուցարարները խորհրդարանի մոտ պարզել են ԵՄ դրոշը։

Բացի այս ցույցից, օրինագծի դեմ բողոքի հերթական ակցիան տեղի կունենա երեկոյան՝ ժամը 19:00-ին, խորհրդարանի դիմաց։

«Վրաստանի եվրոպական ապագայի համար պայքարը շարունակվում է։ Մի՛ մնա տանը, դուրս արի փողոց։ «Ռուսաստանյան օրենքը» վերաբերում է Վրաստանի բոլոր քաղաքացիներին։ «Ռուսաստանյան օրենքը» մեծ պատ է Վրաստանի և Եվրոպայի միջև. Այո՛ - Եվրոպային։ Ո՛չ ռուսաստանյան օրենքին»,- ասվում է բողոքի ակցիաների կազմակերպիչների սոցցանցերում տարածած տեղեկատվության մեջ։

Եվրահանձնաժողովը Վրաստանին կոչ է արել հետ կանչել «օտարերկրյա գործակալների մասին» օրինագիծը՝ մտահոգություն հայտնելով դրա հնարավոր ընդունման կապակցությամբ։

Վրաստանում Եվրամիության դեսպանն ասել է, որ «օտարերկրյա գործակալների» օրինագիծը անհամատեղելի է ԵՄ արժեքների հետ, որին երկիրը ձգտում է միանալ։



!
Այս նյութը հասանելի է նաև   Русский
Տպել
Կարդացեք նաև
Ամբողջը
Վրաստանի խորհրդարանում մտադիր են հաղթահարել նախագահի վետոն օտարերկրյա գործակալների մասին օրենքի վերաբերյալ
Մտադիր են հաղթահարել նախագահի վետոն...
Մենք պետք է խաղաղ ճանապարհով պատրաստվենք ընտրություններին. Վրաստանի նախագահ
Նրանք պետք է պարզեն, թե ինչպիսին է լինելու Վրաստանի ընտրությունը ընտրություններում...
120 կազմակերպություններ Վրաստանի կառավարությունից պահանջում են հետ կանչել «օտարերկրյա գործակալների» օրենքը
120 կազմակերպություններ հանդես են եկել համատեղ կոչով...
Պապուաշվիլին մեկնաբանել է օտարերկրյա քաղաքական գործիչների մասնակցությունը Թբիլիսիի ակցիային
Պապուաշվիլին մեկնաբանել է հակակառավարական ակցիային օտարերկրյա քաղաքական գործիչների մասնակցությունը...
Վրաստանում ցուցարարներին աջակցել են Լատվիայի, Էստոնիայի, Լիտվայի և Իսլանդիայի ԱԳ նախարարները
Մենք եկել ենք Վրաստան որպես ձեր ամենամոտ ընկերներ, որոնք մտածում են Վրաստանի և նրա ժողովրդի մասին...
Վրաստանի խորհրդարանական ընդդիմությունն օտարերկրյա գործակալների մասին օրենքի ընդունման պատճառով բոյկոտ է հայտարարել
Մասնավորապես, բոյկոտ են հայտարարել «Լելո» եւ «Ազգային շարժում» խմբակցությունները...
Ամենաշատ