Խուզարկություններով այս պահին ձերբակալված անձ չունենք։ Այս մասին NEWS.am-ին ասաց ՀՀ քննչական կոմիտեի մամուլի խոսնակ Գոռ Աբրահամյանը`պատասխանելով հարցին` արդյո՞ք բերման ենթարկվածներ կան։

Նշենք, որ ավելի վաղ Քննչական կոմիտեից տեղեկացանք, որ քննիչները խուզարկում են իրականացնում Առողջապահության նախարարությունում և մեկ բժշկական կենտրոնում։

«Խուզարկություններն արվում են ԱԱԾ աշխատակիցների օժանդակությամբ` պետության, սահմանադրական կարգի հիմունքների եւ հասարակական անվտանգության դեմ ուղղված հանցագործությունների քննության գլխավոր վարչությունում իրականացվող քրեական վարույթի շրջանակներում»,- նշել էին Քննչական կոմիտեից։

Մեր տեղեկություններով՝ խուզարկում են «Ուիգմոր» ԲԿ-ն։