News
Լրահոս
News
Շաբաթ
Մայիս 18
Տեսնել լրահոսը

«Ճանապարհային դեպարտամենտ» հիմնադրամում ապրիլի 16-ին տեղի է ունեցել հանդիպում Ասիական զարգացման բանկի (ԱԶԲ) տրանսպորտի ոլորտի գրասենյակի Կենտրոնական և Արևմտյան Ասիայի‚ Արևմտյան Ասիայի և խաղաղօվկիանոսյան թիմի տնօրեն Չեն Չենի գլխավորած պատվիրակության հետ։ Հանդիպման ընթացքում անդրադարձ է եղել Ասիական զարգացման բանկի ֆինանսավորմամբ «Ճանապարհային դեպարտամենտ» հիմնադրամի կողմից իրականացվող ծրագրերի ընթացքին‚ համագործակցության զարգացմանը։

«Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը ողջունել է ԱԶԲ պատվիրակներին՝ բարձր գնահատելով բանկի հետ համագործակցությունը‚ որի շրջանակներում իրականացվում են կարևոր ճանապարհային ենթակառուցվածքային ծրագրեր։

Հիմնադրամի ղեկավարը ներկայացրել է Հյուսիս-հարավի Տրանշ-2‚ Տրանշ-3-ի Թալին-Լանջիկ հատվածի շինարարության‚ Մ-6‚ Վանաձոր-Ալավերդի-Վրաստանի սահման ճանապարհի հիմնանորոգման ծրագրերը‚ Դիլիջանի և Պուշկինի թունելների հետազոտման, ինչպես նաև հիմնանորոգման ու արդիականացման նախագծային աշխատանքների ընթացքը։ Կողմերը խոսել են նաև Հյուսիս-հարավի՝ հարավային հատվածում նախատեսվող ծրագրերի մասին։

Պարոն Չենն իր խոսքում նշել է‚ որ ուրախ է լսել ԱԶԲ ֆինանսավորմամբ իրականացվող ծրագրերի առաջընթացի մասին‚ ինչը նվաճում է և՛ Ճանապարհային դեպարտամենտի‚ և՛ ԱԶԲ-ի համար։ Նա նույնպես առանձնացրել է երկու կողմերի միջև արդյունավետ համագործակցությունը։ Անդրադարձ է եղել Սիսիան-Քաջարան ճանապարհահատվածի կառուցման ծրագրի համաֆինանսավորման հնարավորություններին։ Ըստ ԱԶԲ պաշտոնյայի՝ բանկը պատրաստակամ է աջակցել հիմնադրամին նաև կարողությունների զարգացման ուղղությամբ։

ԱԶԲ պատվիրակությունը «Ճանապարհային դեպարտամենտ» հիմնադրամի ներկայացուցիչների ուղեկցությամբ ապրիլի 16-ին այցելել է Հյուսիս-հարավի Տրանշ-2 և Տրանշ-3՝ ծանոթանալով կատարված և այս պահին ընթացող շինարարությանը։ Շինհրապարակում պարոն Չենին ներկայացվել են կատարվող աշխատանքների մանրամասները։ Նա հետաքրքրվել է‚ թե Հայաստանում վարկային միջոցներով իրականացվող խոշոր ճանապարհաշինական ծրագրերն ինչ ազդեցություն են ունենում հայաստանյան ճանապարհաշինական ոլորտի վրա‚ խոսել են ճանապարհաշինական կազմակերպությունների հզորությունների‚ կիրառվող շինարարական տեխնոլոգիաների և բազմաթիվ այլ հարցերի վերաբերյալ։

Այսօր արդեն պարոն Չենի գլխավորած պատվիրակությունը Ճանապարհային դեպարտամենտի ներկայացուցիչների հետ մեկնել են Սյունիքի մարզ‚ որտեղ կծանոթանան Հյուսիս-հարավի հարավային հատվածում նախատեսված շինարարական ծրագրերի մանրամասներին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ճանապարհային դեպարտամենտ» հիմնադրամում քննարկվել է Հյուսիս-հարավ ճանապարհի Տրանշ-2-ի՝ 34 կմ հատվածի կառուցման ծրագիրը
Հանդիպման ընթացքում քննարկվել են ընթացիկ հարցեր։ Մասնավորապես‚…
Հայաստանին մոռացե՞լ են հարցնել. USAID-ը եւ ՎԶԵԲ-ը «կօգնեն Երեւանին, Բաքվին եւ Թբիլիսիին Միջին միջանցքի շրջանակում»
Ցանկանում են օգնել Երեւանին, Բաքվին եւ Թբիլիսիին...
Մեկ տարում ամբողջությամբ կավարտենք Հյուսիս-Հարավ ավտոմայրուղու շինարարությունը Երևանից Գյումրի հատվածում. Սանոսյան
Նա վստահեցրեց, որ բոլոր տեղամասերում ակտիվ գործընթաց է ընթանում։ Սանոսյանն ասաց, որ Քաջարան...
ՎԶԵԲ-ը Հայաստանին տրամադրել է 236 մլն եվրոյի վարկ «Հյուսիս-Հարավ» միջանցքի ճանապարհի կառուցման համար
236 մլն եվրոյի վարկ Հայաստանին՝ ճանապարհի կառուցման համար...
Վերակառուցման և զարգացման եվրոպական բանկը Հայաստանին 12 միլիոն եվրո է հատկացրել
Երբ խոսում ենք «Խաղաղության խաչմերուկի» մասին, խոսում ենք ոչ միայն...
ՀՀ-ի ամենաերկար թունելը․ ներկայացվել է Հյուսիս-հարավի 60կմ-ոց նոր ճանապարհահատվածի ծրագիրը (վիդեո)
Ճանապարհահատվածի կառուցումը կնպաստի նաև ապրանքաշրջանառության ավելացմանն ու տուրիզմի զարգացմանը…
Ամենաշատ
Ֆոտոռեպորտաժներ