Անհայտ հաքերը երեքշաբթի կոտրել է չեխական CTK լրատվական գործակալության կայքը՝ Սլովակիայի ընտրված նախագահ Պետեր Պելեգրինիի դեմ մահափորձի մասին երկու կեղծ տեղեկություն հրապարակելով։
CTK Ceske Noviny գործակալության կայքում զետեղված մի հաղորդագրությունում կեղծ պնդում կար, թե Չեխիայի Security Information Service (BIS) հետախուզական ծառայությունը խափանել է Պելեգրինիին սպանելու դավադրությունը: Երկրորդում խոսվում էր առաջին կեղծ հաղորդագրությանը Չեխիայի արտգործնախարար Յան Լիպավսկու արձագանքի մասին։
CTK-ն հայտարարել է, որ երկու կեղծ հոդվածների հեղինակն իրենք չեն: Բայց նաև հաքերների մասին վարկած առաջ չի քաշել։
Ըստ չեխական Denik N լրատվական կայքի՝ կառավարական մարմինները հետաքննություն են անցկացնում: Denik N-ը և չեխական հեռուստաընկերությունը ևս հայտնել են կեղծ լուրերը, ըստ որի Պելեգրինիի դեմ դավադրությունը ծրագրել է Պրահայում ուկրաինացի դիվանագետը:
Security Information Service-ը նաև հաստատել է, որ երկու հոդվածներն էլ կեղծ են, և որ գործակալությունը հետաքննում է այդ հարցը: