Եվրոպական խորհրդարանում Հայաստանի հարցերով մշտական զեկուցող Անդրեյ Կովաչևը կարծում է, որ չի կարելի թույլ տալ հայերի դեմ իրականացված ցեղասպանության կրկնությունը։
«Հայոց ցեղասպանության տարելիցի կապակցությամբ իմ անմնացորդ զորակցությունն եմ հայտնում աշխարհասփյուռ հայությանը։ Իրենց էթնիկ պատկանելության պատճառով հետապնդվող և պատանդ պահվող մարդիկ պետք է ամեն գնով պաշտպանվեն: Մենք չպետք է թույլ տանք, որ պատմությունը կրկնվի»,- գրել է նա X-ի իր էջում։