Իսրայելը մտահոգված է, որ Միջազգային քրեական դատարանը (ICC) այս շաբաթ կարող է ձերբակալության օրդեր հանձնել Իսրայելի վարչապետ Բենիամին Նեթանյահուին, պաշտպանության նախարար Յոավ Գալանտին և բարձրաստիճան այլ զինվորականների՝ Գազայի հատվածում ռազմական գործողությունների առնչությամբ:
Ըստ ամերիկյան NBC News-ի՝ Իսրայելը ներկայում դիվանագիտական ուղիներով ձգտում է կանխել օրդերները հանձնելու գործընթացը:
Դատարանը չի մեկնաբանել տեղեկությունը՝ Պաղեստին պետությունում տիրող իրավիճակի հետաքննությունը համարելով անկախ տևական գործընթաց։
Ըստ «Մաարիվ» թերթի՝ Նեթանյահուն լրջորեն անհանգստացած է Գազայի հատվածում ռազմական գործողությունների առնչությամբ Հաագայի Միջազգային քրեական դատարանի կողմից իր անունով ձերբակալության օրդեր ստանալու հեռանկարով:
