![](img/news/82/30/61/default.jpg)
Անհրաժեշտ է հասնել Կիպրոսի խնդրի «արդար և վերջնական» լուծմանը՝ «ելնելով կղզու իրողություններից»։ Դրա մասին, ըստ թուրքական լրատվամիջոցների՝ Թուրքիայի նախագահ Ռեջեփ Թայիփ Էրդողանը հայտարարել է Հունաստանի վարչապետ Կիրիակոս Միցոտակիսի հետ հանդիպման ժամանակ։
Հիշեցնենք, որ Թուրքիան Կիպրոսի հյուսիսային հատվածը բռնազավթել է 1974 թվականից։ Էրդողանը հենց այս «իրողությունները» նկատի ունի։
Զավթիչ երկրի նախագահ Էրդողանը հայտարարել է, որ նման հիմքի վրա որոշումը կամրապնդի տարածաշրջանում կայունությունն ու խաղաղությունը։ Նա վստահություն է հայտնել, որ ահաբեկչության դեմ պայքարի հարցում Թուրքիայի և Հունաստանի միջև փոխըմբռնումն ավելի է ամրապնդվում։
«Մենք համակարծիք ենք, որ ահաբեկչական կազմակերպությունները տարածաշրջանի ապագայում տեղ չունեն։ Միևնույն ժամանակ Թուրքիան ակնկալում է՝ Հունաստանի հետ հարաբերություններում դրական մթնոլորտը կնպաստի, որ Հունաստանում թուրքական փոքրամասնության իրավունքները հարգվեն»,- շեշտել է Էրդողանը։