Վերակառուցման եւ զարգացման եվրոպական բանկը (ՎԶԵԲ) բարելավել է Հայաստանի իրական ՀՆԱ աճի կանխատեսումը 2024թ.՝ 6,2 տոկոս։
Նախորդ կանխատեսումը ցածր էր 1,7 տոկոսով, այսինքն՝ կազմում էր 4,5 տոկոս։ Նույն կանխատեսումներով՝ ՀՆԱ իրական աճը 2025թ. կավելանա 4,8 տոկոսով։
Ադրբեջանի դեպքում ՀՆԱ իրական աճը 2024թ. կանխատեսվում է 3,1 տոկոսի մակարդակում։ Դա 0,6 տոկոսով բարձր է, քան նախորդ կանխատեսումը։ ՀՆԱ աճը 2025թ. կլինի 2,7 տոկոս։
Վրաստանի ՀՆԱ աճի կանխատեսումը 2024թ. կազմել է 5,2 տոկոս, ինչը 0,7-ով բարձր է նախորդ կանխատեսումից։ 2025թ. այդ ցուցանիշի աճը կանխատեսվում է 4,6 տոկոսի մակարդակում։
Ռուսաստանի ՀՆԱ աճի կանխատեսումը 2024թ. կազմել է 2,5 տոկոս։ Զեկույցի համաձայն՝ Ռուսաստանի ՀՆԱ-ն 2025թ. կբարձրանա 1,5 տոկոսով։
Թուրքիայի դեպքում բանկը վերանայել է 2024թ. կանխատեսումը 1,3 տոկոս վատթարացմամբ (սպասվում է աճ 2,7 տոկոսի մակարդակում)։ Հաջորդ տարի Թուրքիայի ՀՆԱ-ն կբարձրանա 3 տոկոսով։