Քիչ առաջ խոշոր ավտովթար է տեղի ունեցել Վանաձոր քաղաքում: Ինչպես դեպքի վայրից հայտնում է NEWS.am-ի թղթակիցը, Աղայան փողոցում իրար են բախվել «Միթսուբիշի Պաջեռո» եւ «ՎԱԶ 2106» մակնիշի ավտոմեքենաները:
Նախնական տվյալներով, վթարի արդյունքում տարբեր աստիճանի մարմնական վնասվածքներով Վանաձորի թիվ մեկ հիվանդանոցային համալիր են տեղափոխվել «ՎԱԶ 2106» ավտոմեքենայի 2 եւ «Միթսուբիշի Պաջեռո»-ի 1 ուղեւորները: Նրանց ինքնությունն առայժմ չի հաջողվել պարզել:
Վիրավորներին մեքենաներից դուրս են բերել վթարին ականատես քաղաքացիները:
Վթարի հետեւանքով հրդեհ է բռնկվել, դեպքի վայր են մեկնել Լոռիի մարզային փրկարարական վարչության փրկարարները` վարչության պետ Հրաչ Անտոնյանի գլխավորությամբ, ովքեր այս պահին հանգցնում են «Միթսուբիշի Պաջեռո» մեքենայի հրդեհը:
Տեղում էին նաեւ Լոռիի ճանապարհային ոստիկանության աշխատակիցները` Կամո Կարապետյանի գլխավորությամբ:
Այս պահին Աղայան փողոցի երթեւեկությունը կաթվածահար է: