Ռուսաստանի արտգործնախարարի տեղակալ Գրիգորի Կարասինը եւ ԱՄՆ-ի պետքարտուղարի Եվրոպայի եւ Եվրասիայի գծով տեղակալ Ֆիլիպ Գորդոնը Մոսկվայում հանդիպման ժամանակ քննարկել են Հարավային Կովկասի տարածաշրջանի իրադրությունը:
Ինչպես հայտնում է Ռուսաստանի ԱԳՆ-ի պաշտոնական կայքը, կողմերը կարծիքներ են փոխանակել միջազգային օրակարգի արդիական հարցերի շուրջ, այդ թվում նաեւ Հարավային Կովկասում իրադրության, ինչպես նաեւ Ուկրաինայի, Բելառուսի եւ Մոլդովայի հետ երկու երկրների հարաբերությունների մասին:
