Քիմ Քարդաշյանին եւ նրա քույր Քլոեին դատի են տվել նիհարելու դեղահաբերի գովազդի համար, որոնց ազդեցությունն, ըստ հայցվորների, չի համապատասխանում գովազդվող ապրանքի հետ:
Ինչպես փոխանցում է eonline.com-ը, նիհարել երազող չորս գնորդներ պահանջել են քույրերից 5 միլիոն դոլար անիրական գովազդի համար:
Սննդամթերքների եւ բժշկական դեղամիջոցների որակի վերահսկման վարչությունն (FDA) արդեն իրականացրել է դեղամիջոցի փորձաքննությունը, հայտնաբերելով, որ դեղահաբերի հիմնական բաղադրամասն է կազմում կոֆեինը:
Քարդաշյան քույրերն զբաղվել են QuickTrim դեղահաբերի գովազդով 2009 թվականից: Ընդհանուր շահույթը, որն ստացվել է հեռուստաաստղերի գովազդած դեղահաբերի վաճառքից, կազմել է շուրջ 45 միլիոն դոլար:
Քարդաշյան քույրերը դեռեւս ոչ մի կերպ չեն մեկնաբանել իրենց դեմ ներկայացված հայցը:
