Dev Team հաքերական խումբը, որն ավելի վաղ խոստացել էր կոտրել նոր iPad-ը, փաստացի կատարել է խոստումը` հրապարակելով կոտրած պլանշետի սքրինշոթերը, ցուցադրելով Cydia ծրագրի աշխատանքը`Լոս Անջելոսում պլանշետների իրացումն սկսելուց ընդամենը 2,5 ժամ հետո:
Սակայն նոր համակարգի հասանելիության մասին պետք չէ շտապ եզրակացություններ անել. MuscleNerd-ի հաքերը նախազգուշացրել էր, որ արվել է դեռեւս առաջին քայլը, եւ նրա թիմը դեռ շատ աշխատանք ունի «ջեյլբրեյքի կառավարմանը» հասնելու: Այնուամենայնիվ, հաքերների աշխատանքի արագությունը տպավորիչ է:
Հաջորդ փուլը ներառում է գործիքային համակարգի ստեղծում, որը թույլ կտա օգտագործողին հեշտությամբ իրականացնել «խնձորային» պլանշետի նոր տարբերակի ջեյլբրեյքը: Դրա համար կպահանջվի եւս մի քանի օր, իսկ հնարավոր է նաեւ` շաբաթներ: Ինչպես հայտնի է, ջեյլբրեյքի օգնությամբ օգտվողը սարքում վերամշակողների ծրագրի հաստատման հնարավորություն է ստանում, հայտնում է 3DNews-ը:
Չնայած որ ջեյլբրեյքը թույլատրված է ամերիկյան օրենսդրությամբ, Apple ընկերությունն առաջվա պես այն կոտրող հաքերներին զրկում է երաշխավորված սպասարկումից` նախազգուշացնելով բազմաթիվ վտանգների մասին, որոնց նրանք ենթարկում են «խնձորային» սարքերը: