Շաքարիկ մականունով կատուն Բոստոնի երկնաքերի 19-րդ հարկից փափուկ վայրէջք է կատարել` առանց լուրջ վնասվածքների:
Առայժմ հայտնի չէ, թե ինչն է ստիպել փափկամազիկին նման ռիսկային հնարք կատարել: Բժիշկների գնահատականներով` Շաքարիկը 45-60 մետր է թռչել: Մասնագետներ նշել են, որ կատուների համար 19-րդ հարկից ընկնելն ավելի անվտանգ է, քան, օրինակ, 9-րդ հարկից, քանի որ առաջինի դեպքում կատուն հասցնում է համապատասխան դիրք ընդունել:
Բացի այդ, կատուն վայրէջք է կատարել ոչ թե կոշտ ասֆալտի, այլ փափուկ աղբակույտի վրա, հաղորդում է «Պրավդա.ռու»-ն:
Շաքարիկի տիրուհին` Բրիթանի Քիրքն ասել է, թե իր սիրելիին բախտավոր արարած է համարում: «Սա իսկական հրաշք է:
Կարծում եմ` Շաքարիկն օգտագործել է իր կատվային ինը կյանքերից մեկը կամ երկուսը, իսկ գուցե եւ ութը»,-ասել է նա: